பாதுகாக்க பட வேண்டிய பயனுள்ள மருத்துவ குறிப்புகள்..!

*அருகம்புல் பொடி* 
அதிக உடல் எடை, கொழுப்பை குறைக்கும், சிறந்த ரத்தசுத்தி.

*நெல்லிக்காய் பொடி* 
பற்கள் எலும்புகள் பலப்படும். வைட்டமின் “சி” உள்ளது.

*கடுக்காய் பொடி*
குடல் புண் ஆற்றும், சிறந்த மலமிளக்கியாகும்.

*வில்வம் பொடி* 
அதிகமான கொழுப்பை குறைக்கும். இரத்த கொதிப்பிற்கு சிறந்தது

*அமுக்கரா பொடி*
தாது புஷ்டி, ஆண்மை குறைபாடுக்கு சிறந்தது.

*சிறுகுறிஞான் பொடி* 
சர்க்கரை நோய்க்கு மிகச் சிறந்த மூலிகையாகும்.

*நவால் பொடி*
சர்க்கரை நோய், தலைசுற்றுக்கு சிறந்தது.

*வல்லாரை பொடி* 
நினைவாற்றலுக்கும், நரம்பு தளர்ச்சிக்கும் சிறந்தது.

*தூதுவளை பொடி* 
நாட்பட்ட சளி, ஆஸ்துமா, வரட்டு இருமலுக்கு சிறந்தது.

*துளசி பொடி*
 மூக்கடைப்பு, சுவாச கோளாருக்கு சிறந்தது.

*ஆவரம்பூ பொடி*
இதயம் பலப்படும், உடல் பொன்னிறமாகும்.

*கண்டங்கத்திரி பொடி* 
மார்பு சளி, இரைப்பு நோய்க்கு சிறந்தது.

*ரோஜாபூ பொடி*
இரத்த கொதிப்புக்கு சிறந்தது, உடல் குளிர்ச்சியாகும்.

*ஓரிதழ் தாமரை பொடி* 
ஆண்மை குறைபாடு, மலட்டுத்தன்மை நீங்கும்.வெள்ளை படுதல் நீங்கும், இது மூலிகை வயாகரா.

*ஜாதிக்காய் பொடி*
நரம்பு தளர்ச்சி நீங்கும், ஆண்மை சக்தி பெருகும்.

*திப்பிலி பொடி*
உடல் வலி, அலுப்பு, சளி, இருமலுக்கு சிறந்தது.

*வெந்தய பொடி*
வாய் புண், வயிற்றுபுண் ஆறும். சர்க்கரை நோய்க்கு சிறந்தது.

*நிலவாகை பொடி*
மிகச் சிறந்த மலமிளக்கி, குடல்புண் நீக்கும்.

*நாயுருவி பொடி*
உள், வெளி, நவமூலத்திற்க்கும் சிறந்தது.

*கறிவேப்பிலை பொடி* 
கூந்தல் கருமையாகும். கண்பார்வைக்கும் சிறந்தது.ரத்தம் முழுவதும் சுத்தமாகும்.இரும்புச் சத்து உண்டு.

*வேப்பிலை பொடி* 
குடல்வால் புழு, அரிப்பு, சர்க்கரை நோய்க்கு சிறந்தது.

*திரிபலா பொடி* 
வயிற்று புண் ஆற்றும், அல்சரை கட்டுப்படுத்தும்.

*அதிமதுரம் பொடி* 
தொண்டை கமறல், வரட்டு இருமல் நீங்கும், குரல் இனிமையாகும்.

*துத்தி இலை பொடி* 
உடல் உஷ்ணம், உள், வெளி மூல நோய்க்கு சிறந்த்து.

*செம்பருத்திபூ பொடி* 
அனைத்து இருதய நோய்க்கும் சிறந்தது.

*கரிசலாங்கண்ணி பொடி*
காமாலை, ஈரல் நோய், கூந்தல் வளர்ச்சிக்கு சிறந்தது.

*சிறியா நங்கை பொடி* 
அனைத்து விஷக்கடிக்கும், சர்க்கரை நோய்க்கும் சிறந்தது.

*கீழாநெல்லி பொடி,* 
மஞ்சள் காமாலை, சோகை நோய்க்கு சிறந்தது.

*முடக்கத்தான் பொடி* 
மூட்டு வலி, முழங்கால்வலி, வாததுக்கு நல்லது.

*கோரைகிழங்கு பொடி* 
தாதுபுஷ்டி, உடல் பொலிவு, சரும பாதுகாப்பிற்கு சிறந்தது.

*குப்பைமேனி பொடி* 
சொறிசிரங்கு, தோல் வியாதிக்கு சிறந்தது.

*பொன்னாங்கண்ணி பொடி*
உடல் சூடு, கண்நோய்க்கும் சிறந்தது.

*முருஙகைவிதை பொடி*
ஆண்மை சக்தி கூடும்.

*லவங்கபட்டை பொடி* 
கொழுப்புசத்தை குறைக்கும். மூட்டுவலிக்கு சிறந்தது.

*வாதநாராயணன் பொடி*
 பக்கவாதம், கை, கால் மூட்டு வலி நீங்கும்.

*பாகற்காய் பவுட்ர்*
 குடல்வால் புழுக்கள் அழிக்கும். சர்க்கரை நோய் கட்டுக்குள் இருக்கும்.

*வாழைத்தண்டு பொடி* 
சிறுநீரக கோளாறு, கல் அடைப்புக்கு மிகச் சிறந்தது.

*மணத்தக்காளி பொடி* 
குடல் புண், வாய்புண், தொண்டைபுண் நீங்கும்.

*சித்தரத்தை பொடி*
சளி, இருமல், வாயு கோளாறுகளுக்கு நல்லது.

*பொடுதலை பொடி*
 பேன் உதிரும், முடி உதிரிவதை தடுக்கும்.

*சுக்கு பொடி*
ஜீரண கோளாறுகளுக்கு சிறந்தது.

*ஆடாதொடை பொடி* 
சுவாச கோளாறு, ஆஸ்துமாவிற்கு சிறந்தது.

*கருஞ்சீரகப்பொடி* 
சக்கரை, குடல் புண் நீங்கும், நஞ்சு வெளிப்படும்.

*வெட்டி வேர் பொடி*
நீரில் கலந்து குடித்துவர சூடு குறையும், முகம் பொலிவு பெறும்.

*வெள்ளருக்கு பொடி* 
இரத்த சுத்தி, வெள்ளைப்படுதல், அடிவயிறு வலி நீங்கும்.

*நன்னாரி பொடி*
உடல் குளிர்ச்சி தரும், சிறுநீர் பெறுக்கி, நா வறட்சிக்கு சிறந்தது.

*நெருஞ்சில் பொடி* 
சிறுநீரக கோளாறு, காந்தல் ஆகியவற்றை நீக்கும்.

வாழ்க....நம் பழந்தமிழரின் பண்பாட்டு பெருமை 

Collected from Social Media..

பட்டினியே சிறந்த மருந்து

முன்னோர் வாக்கு: லங்கணம் பரம ஔஷதம் –  பட்டினியே சிறந்த மருந்து  

"நோயிலே படுப்பதென்ன பெருமானே-நீ
நோன்பிலே உயிர்ப்பதென்ன பெருமானே"
என்று பாடுகிறான் பாரதி.

அதாவது ”நோய் வந்த போது நீ சோர்ந்து படுத்துக் கொள்கிறாய். ஆனால் நோன்பிருக்கும் போது உண்ணாதிருந்தும் மிகத்தெம்புடன் உற்சாகமாய் காணப்படுவதன் காரணம் என்ன” என்று வியக்கிறான் பாரதி.

அறிவார்ந்த ஆன்மிகம்: எல்லா மதங்களிலும் உபவாச விரதம் அல்லது உண்ணா நோன்பு சிறந்ததாகச் சொல்லப்படுகின்றது.

இந்துக்கள் ஏகாதசி போன்ற குறிப்பிட்ட தினத்திலோ, வெள்ளிக்கிழமை போன்ற குறிப்பிட்ட கிழமைகளிலோ, சில விசேஷ நாட்களிலோ சாப்பிடாமல் உபவாச விரதம் இருக்கிறார்கள்.

இஸ்லாமியர்கள் ரம்ஜான் சமயத்தில் உண்ணா நோன்பு இருக்கிறார்கள். அது அவர்களுக்குக் கடமையாக்கப்பட்டிருக்கிறது.

கிறிஸ்துவர்களும் உபவாசம் இருந்து ஜெபிப்பதை விசேஷமானதாக எண்ணுகிறார்கள்.

எனவே உபவாசம் என்பது மதம், இனம் கடந்து அனைத்து தரப்பினரிடத்திலும் சிறப்பிடத்தைப் பெற்று இருப்பது தெளிவாகிறது.

சமஸ்கிருதத்தில் ’உப’ என்றால் அருகில் என்று பொருள். ’வாசம்’ வசித்தல் அல்லது இருத்தல் என்று பொருள். 

சிலர் இறையருளைப் பெறவும் , தங்கள் விருப்பங்களைப் பூர்த்தி செய்து கொள்ளவும், புலன்களைக் கட்டுப்பாட்டில் வைத்திருக்கவும், மனவலிமையை மேம்படுத்திக் கொள்ளவும் உபவாச விரதம் இருக்கிறார்கள்.

உண்ணா நோன்பின் நோக்கம்: நம் உடலில் உள்ள உயிர் ஆற்றல் பல்வேறு வழிகளில் நம்மால் வீணடிக்கப்படுகிறது, அதை காக்கவும், நம் உடலில் தேங்கியுள்ள கழிவுகளை அகற்றி உயிராற்றலை பெருக்கி உடல் மற்றும் மன ஆரோக்கியத்துடன் நாம் உயிர் வாழும் காலத்தை நீட்டிக்கவும், உயிராற்றலை பெருக்கவும் உள்ள பல்வேறு வழிமுறைகளில் உண்ணாவிரதம் ஒரு மிகசிறந்த உபாயம். 

கழிவுகள் அகற்றப்படும் விதம்: நாம் சாப்பிடுவதை நிறுத்திய உடன் உயிர் ஆற்றல் நம் உடலில் தேங்கியுள்ள கழிவுகளை சிறுநீரகம், தோல், மலக்குடல், மூக்கு போன்ற உறுப்புகளின் வழியே வெளியேற்றுகிறது. 

உண்ணா நோன்பினால்:
1. ஜீரண மண்டலத்திற்கு ஓய்வு கொடுக்கிறோம்.
2. எஞ்சிய அசுத்தங்கள் தானாக வெளியேற வாய்ப்பளிக்கிறது.
3. ஜீரண மண்டல உறுப்புகள் புதுப்பிக்கப்படுகின்றன.
4. உடலின் உறுப்புகள் தூய்மையடைகின்றன. 
5. மனம் தூய்மையடைகிறது.
6. உடல் பொலிவடைகிறது.
7. நோய் தடுப்பாற்றல் அதிகரிக்கின்றது .
8. மனிதனுள் விழிப்புணர்வுக்கு காரணமாக இருக்கின்றது. 
9. புலன்கள் நமது கட்டுப்பாட்டுக்குள் கொண்டு
வரப்படுகின்றன. 
10. ஆன்மீகம் அதிகரிக்கவும் செய்கின்றது.

உபவாச முறைகள்: உண்மையில் உபவாசம் என்பது முழுமையாக பட்டினி கிடத்தலே. என்றாலும் தண்ணீர் அல்லது பழச்சாறு மட்டும் குடித்து உபவாசம் இருப்பதிலிருந்து குறிப்பிட்ட உணவை மட்டும் உண்டு அல்லது குறிப்பிட்ட உணவுகளை மட்டும் தவிர்த்து உபவாசம் இருப்பது வரை பல வித உபவாசங்களும் தற்போது உபவாசமாகவே கருதப்படுகின்றன.

 உபவாச நாள் கணக்கு: ஒரு நாள், 3 நாட்கள், 7 நாட்கள், 11 நாட்கள், 21 நாட்கள் என அவரவர் உடல், மன நிலைக்கு ஏற்ப நோன்பை தொடரலாம்.

இருப்பினும், அனைவரும் 15 நாட்களுக்கு ஒருமுறையாவது உண்ணாவிரதம் கடைபிடித்தால் அதன் மகத்துவத்தை அறியலாம்.

குறிப்பு: இங்கு ஒரு நாள் என்பதை சாதாரணமாக நாம் அனைவரும் கடைபிடிக்கும் காலை முதல் மாலை வரை உணவை தவிர்த்தல் என்பதை ஒட்டியே சொல்லப்பட்டுள்ளது. ஆயினும், நம் இந்து தர்மத்தில் ஒரு நாள் என்பது காலை சூரிய உதயத்தில் ஆரம்பித்து மறுநாள் காலை சூரிய உதயம் வரை என்பதுதான், இங்கு இதை நாம் நினைவில் கொள்வது நல்லது.

யாருக்கு உண்ணா நோன்பு: முதியவர்கள், வியாதியினால் மருந்து உண்பவர்கள், கர்ப்பிணிகள், பிரம்மச்சாரிகள், சன்யாசிகள் இவர்களை தவிர பிறர் உண்ணா நோன்பு இருக்கலாம் என்கிறது தர்ம சாஸ்திரம். மேலும் சன்யாசிகளுக்கு என்று தனி விரதங்களும் பிரம்மச்சாரிகளுக்கு தனி விரதமும் சாஸ்திரத்தில் உண்டு.

உண்ணாவிரத காலத்தில் தவிர்க்க வேண்டியவை: அதிக உடல் உழைப்பு பேச்சு, வீண் பேச்சு, அலைபேசி, தொலைகாட்சி உட்பட அனைத்தையும் நிறுத்தி உடலுக்கும் மனதிற்கும் முழு ஓய்வளிக்க வேண்டியது அவசியம்.

நிறைவு செய்யும் முறை: பழங்கள், பழச்சாறுகள் நீர் உணவுகள் இவைகளை அருந்தலாம்.

தவிர்க்கப்பட வேண்டிய உணவுகள்: திட மற்றும் எண்ணெயில் பொறித்த உணவுகள்

ஆக, உண்ணா நோன்பே உயரிய மருந்து.

வாழ்க....நம் பழந்தமிழரின் பண்பாட்டு பெருமை 

Collected from Social Media..

அகத்தியரின் இரத்த அறிவியல்

அகத்தியர் மனித உடலை ஆராய்ச்சி செய்த ஒரு சிறந்த சித்தராவார். பல  நூற்றாண்டுகளுக்கு முந்தையவர். அவரது ஆராய்ச்சி குறித்த பல குறிப்புகளைக் கவி வடிவில் எழுதி வைத்துள்ளார். அப்படிப்பட்ட ஒரு புத்தகம் அகத்தியர் குண வாகடம் – 1500 ஆகும். 

இதன் அர்த்தம் உடல் மற்றும் நோயின் தன்மைகள் என்று கொள்ளலாம். அந்தப் புத்தகத்தில் அவர் ரத்த ஓட்டத்தைப் பற்றியும் அது எவ்வாறு உடல் முழுதும் செல்கின்றது என்றும், இதயத்தின் வடிவம் பற்றியும், நரம்பு மண்டலம், நாடி பற்றியும் தெளிவாக விளக்குகின்றார். 

இந்தக் கட்டுரை அவர் ரத்த ஓட்டத்தைப் பற்றி அந்நூலில் என்ன சொல்லியிருக்கின்றார் என்பது பற்றியதாகும்.

மார்பு பற்றிய விளக்கம்: 
ஒரு மனிதனின் மார்பு என்பது மாரெலும்புகள் மற்றும் விலா எலும்புகள் முன்னால் கவசமாக இருக்க, அது முதுகுத் தண்டெலும்புடன் கோர்க்கப்பட்டு, மேலே அகலமான, கீழே குறுகிய ஒரு கூடை போல் சதை நிரப்பப்பட்டு  காட்சியளிக்கின்றது. (பாடல் எண்: 846)

மார்பின் மேல் பகுதியானது பழுவெலும்பு (Sternum) மற்றும் சவ்வு (mucous membrane)ம் கொண்டு அதன் கீழே ஈரல் அமையப்பெற்றுள்ளது. அங்கே நுரையீரல், அன்னவாகி (food tract), பெருநரம்பு புப்புசம் (pulmonary trunk) ஆகியனவும் கொண்டுள்ளது. (பாடல் எண்: 847)

இதயத்தின் இடம்:
நுரையீரலும், இதயமும் வெவ்வேறு இடங்களில் பொருத்தப்பட்டுள்ளன. இதயமானது மார்புக்குள்ளே பாதுகாப்பாக ஒரு ஊனான பைக்குள் (Fleshy bag) ஒரு சவ்வு கொண்டு மூடப்பட்டு இரண்டு நுரையீரலுக்கும் நடுவில் இருக்கின்றது. (பாடல்: 848)

இதயகோசமானது உடலின் வெகு முக்கியமான பஞ்சகோசங்களில் (Five important functionary system) ஒன்றாகும். அது மார்பின் இடது புறம், 6வது மற்றும் 7வது பழுவெலும்பின் பின்புறம் அமைந்துள்ளது. அதன் கீழ்புறம் தட்டையாகவும், கீழ்புறம் அழுத்தத்தைத் தாங்கும் வண்ணமும் அமைந்துள்ளது. (பாடல்: 849)

இதயத்தின் அளவும், எடையும்: 
இதயம் விரிவடையும் போது ஆறு விரற்கிடை உயரமும், 4 விரற்கிடை நீளமும், 3 விரற்கிடை அகலமும் உடையதாக உள்ளது. 10 பாளம் எடை ஆண்களுக்கும், 8 பாளம் பெண்களுக்கும் (1 பாளம் = ஏறக்குறைய 34 கிராம்) எடை உடையதாக இருக்கின்றது. இதயமானது, ஒரு தாமரையின் மொட்டைப் போன்றதாகவும், தசையால் உருவானதாகவும், 4 தனித்தனி அறைகள் கொண்டதாகவும், இரண்டு மேற்புறமும், இரண்டு கீழ்ப்புறமும் கொண்டதாகவும் இருக்கின்றது. (பாடல்கள் 850, 851)

இதயத்தின் அறைகள்: 
மேற்புற அறைகளை சிரவங்கள் (ஆங்கிலத்தில் auricles) என்றும் கீழ்ப்புறம் இருக்கும் அறைகளை சடரங்கள் (ஆங்கிலத்தில் ventricles) என்றும் சொல்கிறார் அகத்தியர். வலதுபுறம் இருக்கும் அறைகள் அசுத்த ரத்தத்தையும், இடது புற அறைகள் சுத்த ரத்தத்தையும் கொண்டிருக்கும். (பாடல் 852) இதோ!

கணிதமுள்ள மேலறைக்குப் பேரு கேளு
கடிதான சிரவங்கள் என்று பேராம்
அணியான கீழறைக்கு சடரங்க ளென
அப்பனே அதற்குத்தான் பேருமுண்டு
மணியான வலதுபக்க ரத்தமப்பா
மாறியே கறுத்திருக்கும் மகிழ்ந்து பாரு
தனியான இடதுபாகம் ரத்தமப்பா
தப்பாமல் சிவந்திருக்கும் தன்மை தானே!

அகத்தியர் குணவாகடம் – 1500 (852)

இரத்த ஓட்டத்தில் வால்வுகளின் பணி: 
மேற்கண்ட அறைகளினூடே திரை போன்று சவ்வுகள் இருக்கின்றன. அவை ஒரு கதவின் பணியினைச் செய்கின்றன. அவைகளை கபாடம் என்றழைக்கின்றார் அகத்தியர். இதைப் போன்று ஒவ்வொரு வால்விலும் மூன்று கதவுகள் இருப்பதாகச் சொல்கிறார். அவையே ஒருபுறம் செல்லும் ரத்தத்தை மீண்டும் திரும்ப வரா வண்ணம் தடுப்பதாகச் சொல்கின்றார்.

வலது சடரத்தில் மூன்று கதவுகள் (முப்பிரிவாய் ரூபம் காட்டும்) (Anterior, Septal and Posterior என்று ஆங்கிலத்தில் பெயர்) இதைத் திரிகபாடம் (Tricupid valve) என்கின்றார். இந்த வால்வு ரத்தம் வலது சிடரத்திலிருந்து வலது சடரத்துக்குச் செல்லாமல் பாதுகாக்கின்றது.

இதே போல் இரண்டு கதவுகள் கொண்ட (இரண்டான கவாடங்கள்) (Anterior, Commissural cusp) இடது சடரத்தில் இருப்பதையும் குறிப்பிடுகின்றார். இதைத் துறைகவாடம் (Mitral Valve) என்றும் அழைக்கின்றார். இதனால் இதயமானது ஒரு சிறந்த கருவி என்கின்றார் அகத்தியர். (பாடல்கள் 853 & 854)

பெருநாடி: 
இடது சடரத்திலிருந்து ஒரு பெரு நாடி வெளியேறுகின்றது. (Aorta) இதுவே முக்கியமான நாடியாகும். இதிலிருந்தே உடலெங்கும் இரத்தம் செலுத்தப்படுகின்றது.

வலது சடரத்திலிருந்து இது போலவே ஒரு நரம்பு வெளியேறுகின்றது. இந்த நரம்பு நுரையீரலைச் சுற்றி வளைத்த வண்ணம் இருக்கின்றது. இது புப்புச நாடியாகும். (pulmonary trunk).
பெருநாடியும் புப்புச நாடியும் அதன் துவக்கத்தில் ஒரு வால்வைக் கொண்டுள்ளன. 

ஒவ்வொன்றும் மூன்று கதவுகளைக் கொண்டு பிறை போன்று காட்சியளிப்பதால் பிறைகபாடங்கள் என்றழைக்கப்படுகின்றன. (பாடல்: 855, 856)

பெருநாடியானது இதயத்தின் இடது பாகத்திலிருந்து வெளியேறி, இடது நரம்பு மண்டலத்தின் வழியாக, முதுகுத் தண்டின் பின்புறமாகச் சென்று, இடுப்பெலும்பின் துவாரம் வழியாக வெளியேறி இரண்டாகப் பிரிந்து பின்னர் உடலெங்கும் ஊடுருவுகின்றது. இதன் பிறைக் கதவின் பணி சுத்த ரத்தத்தை வெளியேற்றுகின்றதாகும். கீழிருந்து ரத்தம் அழுத்தமாக வந்தால் கதவு மூடி ரத்தம் திரும்பா வண்ணம் மூடிக் கொள்ளும். (பாடல்: 819-821) 

வால்வுகள் பற்றி அகத்தியரின் குணவாகடப் பாடல் இதோ!

கூறடா பெருநாடிக் காரம்பத்தில்,
கொப்பனவே மூன்று கதவுக ளுண்டு;
பேரடா அவைகட்கு பிறைக்கதவு என்று,
பின்பதன் செய்தொழில் தன்னைப் பகரக்கேளு;
சீரடா பெருநாடி தன்னில் ஓடும்
சிறப்பான ரத்தத்தை வெளியோட்டுந் தானே!
தானான ரத்தத்தை வரவொட் டாமல்
தடுத்துமே காத்துகொண் டிருக்கும் பாரு!
ஊனான ரத்தம் பின்னோடும் போது,
உத்தமனே கதவுகள் விரிந்து கொண்டு
தேனான வாயில்தனை அடைத்துக் கொள்ளும்!

(அகத்தியர் குண வாகடம் – 1500 (820-821)

அகத்தியர் மேலும் பெருநாடி பற்றி விளக்குகின்றார். பெருநாடி மூன்று கிளைகள் கொண்டதாகவும், இது எவ்வாறு 72000 நரம்புகள் கொண்ட நரம்பு மண்டலத்தில் செல்கின்றது என்றும் சொல்கின்றார். கீழ்க்கண்ட பாடலைப் பாருங்கள்:

சினமான பெருநாடி தன்னிலப்பா
சிறப்பான எழுபத்திராயந்தான்
இனமான திரேகமெங்கும் பிரிந்துகொண்டு
இன்பத்தை விளைவித்து எங்குந்தானே!

(அகத்தியர் குணவாகடம் – 1500 (816 பகுதி)

இது ஏதோ அறுவை சிகிச்சை மையத்தில் அமர்ந்து கொண்டு சொன்னதைப் போல் இருக்கிறதல்லவா?

இரத்தத்தில் பிராண வாயுவானது வாயு ரூபத்தில் இல்லை என்பதையும் சொல்கின்றார். ரத்தம் மட்டுமே நரம்பில் செல்கின்றது என்றும் சொல்கின்றார். (பாடல்: 815)

கேளடா அக்குழலில் பிராணவாய்வு
பிரியமுடன் இருக்கிறதென்று நினைத்திடாதே!
கேளடா அக்குழலில் ரத்தந் தானும்
திறமாக ஓடுதென்று மனதில் வையே!

அகத்தியர் குணவாகடம் – 1500 (815 பகுதி)

இவ்வாறு பல நூற்றாண்டுகளுக்கு முன்பே சித்தர்கள் இதயத்தைப் பற்றியும், இரத்த ஓட்டத்தைப் பற்றியும் அறிந்திருந்தனர். 

வாழ்க....நம் பழந்தமிழரின் பண்பாட்டு பெருமை 

Collected from Social Media...

ஓர் பூசணிக்காயை உடைக்காமலே அதன் விதைகளின் எண்ணிக்கையையும், ஓர் பலாப்பழத்தைப் பிளக்காமல் அதன் சுளைகளின் எண்ணிக்கையையும் உங்களால் கூற முடியுமா!?

*ஓர் பூசணிக்காயை உடைக்காமலே அதில் எத்தனை விதைகள் இருக்கிறது என்பதையும், 

ஓர் பலாப்பழத்தைப் பிளக்காமல் அதன் உள்ளிருக்கும் சுளையின் எண்ணிக்கையையும் உங்களால் கூற முடியுமா?*

முடியும் என்கிறது நம் தமிழ் செய்யுள்.  

கணக்கதிகாரம் நூலின் சிறப்பு:

“கணிதத்தின் ஆரம் கணக்கதிகாரம்” 

"கணக்கதிகாரம்" கொறுக்கையூரைச் சேர்ந்த காரி நாயனார் என்பவர் எழுதிய ஒரு தமிழ்க் கணித நூல்.

இந்நூல் கணிதச் செய்திகளை அறிவியல் முறையில் தருகிறது. கணக்கதிகாரத்தில் 60 வெண்பாக்களும் 45 புதிர் கணக்குகளும் உள்ளன.பூமி சூரியனை சுற்றும் காலம் , நிலவு சூரியனை சுற்றும் காலம் , நிலவு பூமியை சுற்றும் காலம் போன்றவற்றையெல்லாம் கச்சிதமாக கூறுகிறது கணக்கதிகாரம். 

எடுத்துக்கட்டாக பலாப்பழத்தைப் பிளக்காமல் அதன் உள்ளிருக்கும் சுளையின் எண்ணிக்கையை அறிந்துகொள்ளும் வழிமுறை மற்றும் ஓர் பூசணிக்காயை உடைக்காமலே அதில் எத்தனை விதை இருக்கிறது போன்ற செய்திகள் கச்சிதமாக கூறுகிறது கணக்கதிகாரம். மேலும் விளக்கமாக இங்கு காண்போம்.
  
"பலாவின் சுளையறிய வேண்டுதிலேல் ஆல்கு
சிறுமுள்ளுக் காம்பரு எண்ணி – வருவதை
ஆறிற் பெருக்கியே ஐந்தனுக் கீந்திடவே
வேறெண்ண வேண்டாஞ் சுளை."
                                                             - கணக்கதிகாரம் 

விளக்கம் : 
பலாப்பழத்தின் காம்புக்கு அருகில் உள்ள சிறு முட்களை எண்ணி ஆறாலே பெருக்கி ஐந்தால் வகுக்க பலாப்பழத்தினுள் உள்ள சுளைகளின் எண்ணிக்கையை அறியலாம்.

"கீற்றெண்ணி முத்தித்துத் கீழாறினால் மாறி
வேற்றையஞ்சு தன்னில் மிகப்பெருக்கிப் பார்த்ததிலே
பாதி தள்ளி மூன்றிற் பகிர விதையாகும்
பூசணிக்காய் தோறும் புகல்" 
                                                             - கணக்கதிகாரம் 

விளக்கம் : 
ஒரு பூசணிக்காயின் கீற்றுகளை எண்ணிக்கொண்டு அதை மூன்று, ஆறு, ஐந்து இவற்றால் பெருக்கி வரும் விடையை பாதியாக்கி மீண்டும் மூன்றால் பெருக்கினால் வருவது விதைகளின் எண்ணிக்கையாகும்.

ஒரு பூசணியில் உள்ள கீற்றுகளின் எண்ணிக்கையை "அ" என்க.
பாடலின் படி அதை 3,6,5 ஆகியவற்றால் பெருக்க கிடைப்பது "90அ" ஆகும் அதை பாதியாக்கினால் கிடைப்பது "45அ" ஆகும். அதை மீண்டும் மூன்றால் பெருக்க கிடைப்பது "135அ" ஆகும்.

ஒரு பூசணியில் உள்ள கீற்றுகளின் எண்ணிகையை அ=6 ஆறு எனக்கொண்டால் (135 * 6 = 810) 135 ஐ ஆறால் பெருக்க கிடைப்பது 810 ஆகும். எனவே பூசணியில் உள்ள விதைகளின் எண்ணிக்கை 810 ஆகும்.

வாழ்க....நம் பழந்தமிழரின் பண்பாட்டு பெருமை

Collected from Social Media...