யாதும் ஊரே யாவரும் கேளிர் !

கணியன் பூங்குன்றனார் என்பவர் சங்க காலப் புலவர்களில் ஒருவர். 

தொழிலையும் சிறப்பையும் குறிக்கும் பெயராக அமைந்துள்ள பழந்தமிழ்ப் பெயராக இவரது பெயர் அமைந்திருக்கிறது. 

கணியம் என்பது சோதிடம். கணியம் தெரிந்தவன் கணியன். 

இவ்வாறு பூங்குன்றன் கணியன் பூங்குன்றரானார். 

வளம் நிறைந்த நாட்டில் உள்ளவனை, அல்லது தலைவனைப் "பூங்குன்ற நாட!" என்கிறது நாலடி நானூறு. 

இவ்வாறு தொழிலாலும் நாட்டாலும் பேர் பெற்றவர் இப்புலவர்.

புறநானூற்றிலும் (புறம்: 192) நற்றிணையிலும் இவர் பாடல்கள் இடம்பெற்றுள்ளன. 

இவரின் புறநானூற்றுப் பாடல் நம் தமிழ் முன்னோர்களின் பண்பாட்டை விளக்குகிறது.

யாதும் ஊரே யாவரும் கேளிர்
தீதும் நன்றும் பிறர்தர வாரா
நோதலும் தணிதலும் அவற்றோ ரன்ன
சாதலும் புதுவது அன்றே, வாழ்தல்
இனிதென மகிழ்ந்தன்றும் இலமே முனிவின்
இன்னா தென்றலும் இலமே, மின்னொடு
வானம் தண்துளி தலைஇ யானாது
கல் பொருது மிரங்கு மல்லல் பேரியாற்று
நீர்வழிப் படூஉம் புணைபோல் ஆருயிர்
முறை வழிப் படூஉம் என்பது திறவோர்
காட்சியில் தெளிந்தனம் ஆகலின், மாட்சியின்
பெரியோரை வியத்தலும் இலமே,
சிறியோரை இகழ்தல் அதனினும் இலமே. (புறம்: 192) 
இதன் பொருள் எளிய தமிழில் –

யாதும் ஊரே யாவரும் கேளிர்
எல்லா ஊரும் எம் ஊர் எல்லா மக்களும் எம் உறவினரே
Every town our home town, Every man a kinsman.

தீதும் நன்றும் பிறர்தர வாரா
நன்மை தீமை பிறரால் வருவதில்லை
Good and evil do not come from others.

நோதலும் தணிதலும் அவற்றோ ரன்ன
துன்பமும் ஆறுதலும்கூட மற்றவர் தருவதில்லை
Even pain and relief come of themselves.

சாதலும் புதுவது அன்றே, வாழ்தல்
சாதல் என்பது புதியது இல்லை, வாழ்தல்
Dying is nothing new.

இனிதென மகிழ்ந்தன்றும் இலமே முனிவின்
இனியது என்று மகிழ்ந்ததும் இல்லை
We do not rejoice that life is sweet

இன்னா தென்றலும் இலமே, மின்னொடு
வாழ்வு துன்பமென ஒதுங்கியதுமில்லை
nor call it bitter.

வானம் தண்துளி தலைஇ யானாது
வானத்தின் குளிர்ந்த மழைத் துளியானது,
after a downpour from skies, the rain drop

கல் பொருது மிரங்கு மல்லல் பேரியாற்று
கல், மண் ஆகியவற்றைப் புரட்டிக் கொண்டு ஓடும் பேராற்றின் 
sounding and dashing across the rocks and river 

நீர்வழிப் படூஉம் புணைபோல் ஆருயிர்
நீர்வழி தடத்திலே போகும் மிதவை போல, அரிய உயிரியக்கமானது
Over water course as rafts drifting in the rapids of a great river

முறை வழிப் படூஉம் என்பது திறவோர்
இயற்கைவழி போகத் தான் செய்யும் என்று வாழ்க்கையின் திறம் அறிந்தவர்கள் சொல்லிய
Our lives, however dear, follow their own course,

காட்சியில் தெளிந்தனம் ஆகலின், மாட்சியின்
காட்சியில் தெளிந்தோம், ஆதலினால் பிறந்து வாழ்வோரில்
we know this from the vision of men who see.

பெரியோரை வியத்தலும் இலமே,
பெரியோரை வியந்து போற்றியதும் இல்லை.
So, we are not amazed by the great,

சிறியோரை இகழ்தல் அதனினும் இலமே. 
சிறியோரை இகழ்ந்து தூற்றியதும் இல்லை
and we do not scorn the little.

வாழ்க....நம் பழந்தமிழரின் பண்பாட்டு பெருமை

Collected from Social Media...

பண்டைத் தமிழர்களை மிஞ்சிய கல்வி முறையா?

பெருமிதம் கொள்வோம்... 

Civil_Engineering தெரியாமல் தஞ்சை பெரிய கோவில், மதுரை மீனாட்சியம்மன் கோவில்,போன்ற எந்த கோவிலும் கட்ட முடியாது.

Marine_Engineering தெரியாமல் சோழர்கள் கடல் கடந்து வாணிபம் செய்திட முடியாது.

Chemical_Engineering தெரியாமல் இரசவாதம், மற்றும் மூலிகை வண்ணம் கண்டறிந்திட முடியாது.

Aero_Technology தெரியாமல் கோள்களை ஆராய்ந்திட முடியாது.

Mathematical தெரியாமல் கணக்கதிகாரம் படைத்திடல் முடியாது, ஜோதிடம், பஞ்சாங்கம் படைத்திட முடியாது.

Explosive_Engineering தெரியாமல் குடவறைகளை படைக்க முடியாது.

Metal_Engineering தெரியாமல் ஆயுதங்கள், உபகரணங்கள், ஆபரணங்கள் படைத்திருக்க முடியாது.

Anatomy தெரியாமல் சித்த மருத்துவம் செழித்திருக்க முடியாது.

Neurology தெரியாமல் நாடி வைத்தியம் பார்த்திருக்க முடியாது.

Psychology தெரியாமல் Telepathyயை செயல்படுத்தியிருக்க முடியாது.

Bachelor/Master_of_Arts தெரியாமல் தமிழ் இலக்கியங்கள் படைத்திருக்க முடியாது.

Business Administration தெரியாமல் கடல் கடந்து வாணிபம் செய்திருக்க முடியாது.   

Chartered_Accounts தெரியாமல் வரி வசூலித்து திறம்பட ஆட்சி செய்திருக்க முடியாது.

இன்னும் நீங்கள் என்ன என்ன அறிவியல் பெயர் வைத்திருக்கிறீர்களோ அத்தனைத் துறைகளிலும் சாதித்தவர்கள் எம் தமிழர்கள்.

ஒட்டு மொத்த நவீன அறிவியலுக்கு திருமூலரின் திருமந்திரம் போதும். 

நம் தமிழன் பெருமையையும் வழிபாட்டின் அருமையுயும் காப்பதும், அடுத்த தலைமுறைக்கு கடத்துவதும் நம் தலையாய கடமை என உணர்வோம்.

நம் தமிழின் சுய வரலாற்றை காப்போம்.

வாழ்க....நம் பழந்தமிழரின் பண்பாட்டு பெருமை

Collected from Social Media...

சித்த மருத்துவக் கலை

கலை ஒரு தனி வகை. இரண்டு எழுத்துக்கள் உள்ள ஒரு சொற்களை கொண்ட “தனி வகை” என்ற இச்சொற்றோடர் “தனிப் பிரிவு” என்றாகி, ஒப்பற்ற பிரிவு என்ற பொருளையும் தந்து மிகவும் உயர்ந்து நிற்பதை கண்டு மகிழலாம்.

உயர்வு

எல்லாக் கலைகளையும் கண்டு, அறிந்து, போற்றி, வளர்த்து, துய்த்து, மகிழ்ந்து வாழ்வதற்கு, உடலைப் பாதுகாத்து ஆக வேண்டும். ஆதலின், உடல் ஓம்பும் இம்மருதுவக் கலை எல்லாக் கலைகளிலும் உயர்ந்து நிற்பது இயல்பேயாகும்.

காலம்

சித்த மருத்துவமும் தமிழ் மருத்துவமும் ஒன்றே. இம்மருத்துவம் பிறந்த காலத்தை அறிந்து கூற இயலாது. கூற வேண்டுமானால் தமிழகத்து மண்ணில் செடி கொடிகள் தோன்றிய காலமே தமிழ் மருத்துவம் தோன்றிய காலம் என்று துணிந்து கூறலாம்.

மொழி

நாட்டு வைத்தியம் என்று பொதுவாகக் குறிப்பிடுவது மூன்றை. ஒன்று சித்த மருத்துவம்; இரண்டு, ஆயுர்வேதம்; மூன்று யுனானி. தமிழ் மருத்துவத்திற்கு மொழி தமிழ். ஆயுர்வேதத்திற்கு மொழி வடமொழி. யுனானிக்கு மொழி உருது. யுனானிக்கு திசை மேற்கு; ஆயுர்வேதத்திற்கு திசை வடக்கு; சித்த வைத்தியத்திற்கு திசை தெற்கு.

மருந்து 

தமிழ் மருந்துகள் பெரும்பாலும் பொடியும் கியாழமுமாகவும் இருக்கும். இதனை பசுபம்(பஸ்பம்) என்றும், கசாயம் என்றும் சொல்லுவார்கள். ஆயுர்வேத வைத்தியம் பெரும்பாலும் தைலமும் திராவகமுமாக இருக்கும். யுனானி மருந்துகள் பெரும்பாலும் அல்வாவும் லேகியமுமாக இருக்கும்.

பஸ்பம்

இரும்பு, வெள்ளி, தங்கம், செம்பு, முதலிய உலோகங்கள் ஒன்பது. முத்து, மணி, பவழம் முதலிய இரத்தினங்கள் ஒன்பது. வீரம், பூரம் முதலிய பாசாணங்கள் ஒன்பது. இதனை முறையே நவ லோகம், நவ இரத்தினம், நவ பாசாணம் என்பர். இந்த மூவொன்பது இருபத்தேழையும், பசுபமாக்கும் முறை சித்த வைத்தியத்தில் மட்டுமே உண்டு. பிற மருத்துவ முறைகளில் இவற்றில் சில பசுபமாகச் செய்யப்படும். எனினும், அதன் மூலம் சித்த வைத்திய முறையாகவே அமைந்திருக்கும்.

எளிது

அலபதி முறையில், இவற்றை சிலவற்றை பசுபமாக்குகிறார்கள். ஆனால் விலையுயர்ந்த இயந்திரத்தில், அதிகச் சம்பளம் வாங்குகிறவர்களின் கண்காணிப்பில், பெரும் பொருட்செலவில், அவை செய்யப்படுகின்றன. சித்த வைத்திய முறையிலோ இரண்டு மூன்று ‘வரட்டி’ களைக் கொண்டு சில மூலிகைகளின் சாறுகளை தடவி எளிய முறையில், குறைந்த செலவில், சுருங்கிய நேரத்தில் இவை அனைத்தும் பசுபமாக்கப் பெற்று வருகின்றன.

உணவே மருந்து

சித்த வைத்தியத்தில் உணவும் மருந்தும் ஒன்றாகவே அமைந்திருப்பது வியப்புக்குரியது. காய்கறிகளெல்லாம் மருந்து. கீரை வகைகளெல்லாம் மருந்து. கடுகு, மிளகு, சீரகம், பூண்டு, மஞ்சள், சுக்கு, திப்பிலி முதலிய கடைச் சரக்குகளெல்லாம் மருந்து. சுருக்கமாக சொல்லப் போனால் நாட்டு பசுவின் பால், தயிர், மோர், வெண்ணை, நெய் அனைத்துமே மருந்து. உணவே மருந்தாக அமைகின்ற இவையே சித்த வைத்திய முறையாகும். தமிழகத்தைத் தவிரப் பிற நாடுகளில் உணவுப் பொருள்களே மருந்தாக அமைகின்ற முறை காண முடியாது. தமிழகத்து தட்ப வெப்ப நிலைக்கு ஏற்ப, தமிழ் மக்களுக்கு தோன்றும் பிணிகளுக்குத் தமிழக மண்ணில் முளைக்கின்ற செடி, கொடிகளை மருந்தாக தருவதே தமிழ் மருத்துவ முறையாகும்.

கை வைத்தியம்

தாய்வழி மகள் காதுவழி கேட்டுக் கை வைத்தியமாக செய்யப்படுகின்ற ஒரு முறையும் தமிழகத்தில் உண்டு. இதையே சித்த வைத்தியம் என்றும், தமிழ் மருத்துவம் என்றும், வீட்டு வைத்தியம் என்றும் கூறுவதுண்டு. இந்த தலைமுறையில் நகரங்களில் வாழ்கின்ற படித்த பெண்கள் இம்முறைகளை அடியோடு கைவிட்டுவிட்டனர். எனினும் சிற்றூர்களில் உள்ள எளிய குடும்பங்களிலும் இம்முறை என்னும் இருந்து வருகிறது.

சிறப்பு

சித்த வைத்தியம், காலத்தால் முந்தியதும் விலையால் குறைந்ததும், கையாள்வதில் சிறந்ததும், பலனால் மிகுந்ததும், தகுதியால் உயர்ந்ததுமாகும். இவ்விதம் இருந்தும், மக்களின் உணர்ச்சி குறைவும், அரசினர் கவனக் குறைவும் ஒன்று சேர்ந்ததினாலேயே இச்சித்த வைத்திய முறை மறையத் தொடக்கிவிட்டது.

ஒத்தை மருந்து

சித்த வைத்தியத்தில் ஒத்தை மருந்து என்று சில மருந்து உண்டு. அது, பூண்டு ஒரு மருந்து, கடுகு ஒரு மருந்து, வெங்காயம் ஒரு மருந்து, தேங்காய் ஒரு மருந்து. அந்த ஒன்றையும், எதையும் சேர்க்காமல், அரைக்காமல், காய்ச்சாமல், நிறுக்காமல், உருக்காமல் அப்படியே கொடுக்கச் சிற்சில நோய்கள் தீரும். இதை வடமொழியினர் “ஏக மூலிகைப் பிரயோகம்” என்பர். அவற்றுள் சில:
1. பாம்பு கடித்தால் வாலைப் பட்டையில் உள்ள சாற்றை பிழிந்து கொடுக்க உடனே குணமாகும்.
2. பூரான் கடித்தால் பனை வெல்லத்தையுண்டால் அதன் தடிப்பு உடனே மாறும்.
3. பிறந்த குழந்தை தவறிப்போய்ப் பெற்ற தாய்க்குப் பால்கட்டி முலைக்குத்தல் ஏற்பட்டால் மல்லிகைப் பூ வைத்து கட்ட உடனே குணமாகும். மல்லிகை பூ கிடைக்காத காலங்களில் வாழைப் பிஞ்சை அரைத்து தடவிக் குணமாக்கலாம்.
4.  நட்டுவாக்காலி கடித்தால் கொப்பரைத் தேங்காயை மென்று தின்ன உடனே குணமாகும்.
5. இந்த ஒத்தை மருந்தும் ஒரு வேளைதான். இரண்டாம் வேளை மருந்து தேவை இல்லை.
இம்மாதிரி முறைகள் நூறு “தமிழ் மருந்துகள்” என்ற நூலில் என்னால் வெளியிடப் பெற்றிருக்கிறது. உயர்ந்த அறுவை சிகிச்சை முறைகளும் சித்த வைத்தியத்தில் உண்டு.

அழிவு

தமிழ் மருத்துவ முறை அழிவதற்கு தமிழ் மருத்துவர்களும் ஒரு வகையில் காரணமாயினர். வறுமை வாய்ப்பட்ட மக்களில் சிலர் தங்களை மருத்துவர் என்று சொல்லியும், தங்களிடமிருந்தது மருந்து என்று கூறியும், தவறு செய்தமையால் பொது மக்களின் நம்மிக்கை கெடத் தொடங்கியது. மருத்துவ நூல்களில் உள்ள கவிதைகளையும் அதில் மறைபொருளாகச் சொல்லப்பட்ட மருந்துகளின் பெயர்களையும் அறியாமலும் புரியாமலும் இளம் மருத்துவர்கள் சிலர் தவறு செய்யத் தொடங்கினர். இதனால் பொது மக்கள் சிறந்த பண்டிதர்களையும் உயர்ந்த மருத்துவர்களையும் சந்தேகிக்க தொடங்கினர். இவையும் சித்த வைத்திய முறை அழிவிற்குக் காரணமாயின.

புதைந்து போனது

சித்த வைத்திய முறையில் சிறந்து விளங்கிய மருத்துவ மேதைகளும், பண்டிதர்களும் தங்களிடம் உள்ள உயர்ந்த முறைகளை வெளியே காட்டமலும், பிறருக்கு சொல்லாமலும், தனக்குப் பின் வாரிசாக ஒருவரைத் தேர்ந்தெடுத்து சொல்லி வைக்காமலும், அரசினருக்கு அறிவிக்காமலும், நூல்களாக எழுதி வைக்காமலும் மறைந்து போயினர். மறைய மறைய, ஒவ்வொரு சித்த வைத்தியரையும் புதைக்க புதைக்க, சில சித்த வைத்திய முறைகளும் புதைக்கப் பெற்றே போயின.

அழிந்த காரணம்

இந்த தவற்றை நமக்கு முன்னே வாழ்ந்த பெரியோர்கள் செய்யவில்லை. அவர்கள் தாங்கள் கண்ட அருமையான முறைகளைக் சுவடுகளில் எழுதி வைத்தனர். ஆனால், அச்சு பொறிகள் இன்மையாலும், ஓலைகளிலேயே எழுதிக் குவிக்க வேண்டியிருந்தமையாலும், விரிந்த சொற்களில் உள்ள பரந்த முறைகளை, சொற்களைக் குறைத்து கவிதைகளாய் அமைத்துச் சுவடிகளாக்கி வைத்து போயினர். 

அவை, தமிழ் மன்னர்களுடைய ஆட்சி அழிந்தமையாலும், ஆங்கில ஆட்சியினரின் அக்கறைக் குறைவினாலும், காலத்தில் பாழ்பட்டும், கடற்கோள்களின் அழிவிற்குள்ளாகியும், கரையான்களால் தின்னப்பட்டும் பல சுவடிகள் அழிந்து போயின. இவை அனைத்திற்கும் தப்பிச் சில நூல்கள் மட்டுமே எஞ்சியிருந்தன. இவற்றையுங்கூட, பழஞ்சுவடிகளை ஆடிப் பதினெட்டாம் பெருக்கில் ஆற்றில் விட்டால் புண்ணியம் என்ற கொள்கை பரப்பப்பட்டதினால், அந்த புண்ணியத்திற்கு ஆசைப்பட்டு மீதமிருந்த பழஞ்சுவடிகளையும் சிலர் ஆற்றில் அள்ளிப் போட்டு அமைதி அடைந்தனர்.

அழிந்து போன மருத்துவ நூல்கள்:

1. அகத்தியர் – பன்னிரு காண்டம்
2. போகர் – எண்ணாயிரம் 
3. கோரக்கர் மூலிகை பலன் – ஆயிரம் 
4. கொங்கணவர் – மூவாயிரத்து நூறு
5. கோரக்கர் – வெண்பா ஏழாயிரம்
6. மச்ச முனி – ஏழு காண்டம்
7. சிவ வாக்கியர் – ஐந்து காண்டம்
8. காசிபர் வண்ணம்
9. உரோம முனி வடுகம்
10. இராமதேவர் சந்தப் பா
11. நந்தீசர் சந்தம்
12. சங்குமா முனி கலித்துறை
13. திருமூலர் திருமந்திரம் – எண்ணாயிரம்
14. பதஞ்சலி ஏழு காண்டம்
15. சட்ட முனி நிகண்டு
16. சட்ட முனி – இரண்டாயிரத்து எழுநூறு
17. காலாங்கி நாதர் – நாலு காண்டம்
18. போகர் – எழுநூறு. முதலியன.

இரத்தக் கண்ணீர்

இவை அனைத்தும் தமிழகத்துச் சான்றோர்களாகிய சித்தர் பெருமக்களால் தமிழ்மொழியில் தோற்றுவிக் பெற்றவை. இவை அனைத்தும் அழிந்து போயின என்பது சிற்சில பாடல்கள் கிடைத்திருப்பதானாலும், சிற்சில நூல்களில் மேற்கோள்களாக வந்திருப்பதாலும் அறிய முடிகிறது. இன்னும் என்னென்ன நூல்கள் இருந்தனவோ? என்னென்ன பெயரில் இருந்தனவோ, அவற்றுள் என்னென்ன புதையல்கள் இருந்தனவோ? அவற்றின் ஆசிரியர்கள் யார் யாரோ? அறிய முடியவில்லை. அவை அனைத்தும் என்று இருந்திருந்தால்......? நினைத்தாலே நெஞ்சம் புண்ணாகிறது. அழுதால் கண்களிலிருந்து இரத்தக் கண்ணீரே சொட்டுகிறது. என்ன செய்வது.

விருப்பம்

இந்த இழிநிலை மாற வேண்டும். மக்கள் சித்த வைத்தியத்தின் அருமை பெருமைகளை உணர வேண்டும். தாய்வழி மகள் வாய்வழிக் கேட்டு கை வைத்தியமாகச் செய்யும் முறை தமிழகத்தில் மீண்டும் மலர வேண்டும். மருத்துவத்திற்காகச் செலவழிக்கும் பெரும் பொருள் மிச்சப் பட வேண்டும். சிற்றுர்களிளெல்லாம் தமிழ் மருத்துவமனைகள் திறக்கப்பட வேண்டும். சித்த வைத்திய பள்ளிகளும், கல்லூரிகளும் தமிழகத்தில் பெரும்பான்மையாகத் திறக்கப் பட வேண்டும்.

மருத்துவர் தலைவன்

உலகுக்கு முதன்முதலில் மருத்துவக் கலையை வழங்கியவர்கள் நம் முன்னோர்கள். அவர்களில் சிலர் தமிழ் சான்றோர். அவர்களில் சிலர் சித்தர்கள். அவருள்ளும் ஒருவர் எல்லாம்வல்ல சித்தராகிய இறைவன். அவர் கோவில் கொண்ட இடங்கள் தமிழகத்தில் பல.

முடிவு

உடற் பிணிக்கும், உளப் பிணிக்கும், உயிர்ப் பிணிக்கும் சேர்த்து மருந்து வேண்டுவோர் சித்த மருத்துவத்தையே நாடுவர் என்பதில் எள்ளளவும் ஐயமில்லை. சித்த மருத்துவத்தை போற்றிப் பேணி நாம் அனைவரும் நலமுடன் வாழ்வோம். வாழ்க தமிழ்! மொழி வளர்க சித்த மருத்துவம்!

                                                                   “முத்தமிழ் காவலர்” திரு கி. ஆ. பே. விசுவநாதம் அவர்கள்

வாழ்க....நம் பழந்தமிழரின் பண்பாட்டு பெருமை  
Collected from Social Media...

ஆத்திசூடி அறிவோம்

ஆத்திச்சூடி என்பது 12ஆம் நூற்றாண்டில் வாழ்ந்த ஔவையார் இயற்றிய நீதி நூல் ஆகும்.

கடவுள் வாழ்த்து

"ஆத்தி சூடி அமர்ந்த தேவனை 
ஏத்தி ஏத்தித் தொழுவோம் யாமே"

ஆத்தி-திருவாத்தி பூமாலையை; சூடி- அணிந்து;  அமர்ந்த-எழுந்தருளியிருக்கும்; தேவனை-விநாயகக் கடவுளை; ஏத்தி ஏத்தி-வாழ்த்தி வாழ்த்தி; தொழுவோம்-வணங்குவோம்; யாமே-நாமே.

 

உயிர் வருக்கம்

1. அறம் செய விரும்பு / Learn to love virtue.
நற்காரியங்களைச் செய்வதற்கு ஆசைப்பட வேண்டும்.
2. ஆறுவது சினம் / Control anger.
கோபத்தைத் தணியச் செய்ய வேண்டும்.
3. இயல்வது கரவேல் / Don't forget Charity. இயன்றதை ஒளிக்காமல் செய்ய வேண்டும்.
4. ஈவது விலக்கேல் / Don't prevent philanthropy.
பிறருக்கு உதவி செய்வதைத் தடுக்கப்கூடாது.
5. உடையது விளம்பேல் /  Don't betray confidence.
உன்னிடம் இருக்கும் நன்மை தீமைகளை பிறரிடம் கூறாதே.
6. ஊக்கமது கைவிடேல் /  Don't forsake motivation.
செயலில் ஈடுபடும்போது தடங்கல் ஏற்படுமானால் அதைக் கண்டு தைரியத்தைக் கைவிடக்கூடாது.
7. எண் எழுத்து இகழேல் / Don't despise learning.
கணிதம், இலக்கியம் இவற்றை இகழ்ந்து ஒதுக்கக்கூடாது.
8. ஏற்பது இகழ்ச்சி / Don't freeload.
பிறரிடம் போய் யாசிப்பது இழிவாகும்.
9. ஐயம் இட்டு உண் / Feed the hungry and then feast.
பிச்சை கேட்பவர்களுக்கு உணவு கொடுத்த பின்னர் சாப்பிட வேண்டும்.
10. ஒப்புரவு ஒழுகு / Emulate the great.
உலக அனுபவத்தை அறிந்து அதற்கேற்ப நடந்துகொள்.
11. ஓதுவது ஒழியேல் / Discern the good and learn.
படிப்பதை விட்டுவிடக் கூடாது.
12. ஒளவியம் பேசேல் / Speak no envy.
பொறாமைக் குணத்தோடு சொல்லக் கூடாது.
13. அஃகஞ் சுருக்கேல் / Don't shortchange.
தானியங்களை எடை அளவு குறைத்து நிறுத்தக்கூடாது.

உயிர்மெய் வருக்கம்
 
14. கண்டொன்று சொல்லேல்/ Don't flip-flop.
கண்ணால் பார்த்ததைத் தவிர வேறு எதையும் கூறாதே.
15. ஙப் போல் வளை / Bend to befriend.
'ங' என்ற எழுத்தைப் போல அனைவரையும் இணைந்து செல்ல வேண்டும்.
16. சனி நீராடு / Shower regularly.
சனிக்கிழமை தோறும் எண்ணெய் தோய்த்துக் குளிப்பாயாக.
17. ஞயம்பட உரை / Sweeten your speech.
கனிவான முறையில் எதையும் கூறுவாயாக.
18. இடம்பட வீடு எடேல் / Judiciously space your home.
தேவைக்கு அதிகமாக வீட்டைப் பெரிதாக அமைக்காதே.
19. இணக்கம் அறிந்து இணங்கு / Befriend the best.
நட்பு கொள்ளுமுன் அவர் நல்லவரா என்பதைத் தீர அறிந்து, அதன் பிறகு தொடர்பு கொள்ள வேண்டும்.
20. தந்தை தாய்ப் பேண் / Protect your parents.
பெற்றோரைப் போற்றி ஆதரிக்க வேண்டும்.
21. நன்றி மறவேல் / Don't forget gratitude.
ஒருவர் செய்த உதவியை மறந்துவிடக் கூடாது.
22. பருவத்தே பயிர் செய் / Husbandry has its season.
உரிய காலத்திலே உழுது பயிரிட முற்படவேண்டும்.
23. மண் பறித்து உண்ணேல் / Don't land-grab.
மற்றவருடைய நிலத்தை அபகரித்து அதை உண்டு வாழக்கூடாது.
24. இயல்பு அலாதன செய்யேல் / Desist demeaning deeds.
வழக்கத்துக்கு மாறான காரியத்தைச் செய்யக்கூடாது.
25. அரவம் ஆட்டேல் / Don't play with snakes.
பாம்போடு விளையாடினால் ஆபத்து நேரிடும்.
26. இலவம் பஞ்சில் துயில் / Cotton bed better for comfort.
இலவம் பஞ்சு மெத்தையில் படுத்து நித்திரை செய்வது நன்மை தரும்.
27. வஞ்சகம் பேசேல் / Don't sugar-coat words.
கபடமாகப் பேசக்கூடாது.
28. அழகு அலாதன செய்யேல் / Detest the disorderly.
பிறர் இகழத்தக்கவற்றை செய்யக்கூடாது.
29. இளமையில் கல் / Learn when young.
சிறு பிராயத்திலே கல்வியைக் கற்பது சிறப்பாகும்.
30. அரனை மறவேல் / Cherish charity.
இறைவனை மறவாமல் துதித்து வணங்க வேண்டும்.
31. அனந்தல் ஆடேல் / Over sleeping is obnoxious.
கடலில் நீந்தி விளையாடினால் ஆபத்து நேரிடும்.

ககர வருக்கம்
 
32. கடிவது மற / Constant anger is corrosive.
பிறருக்கு கோபம் உண்டாகக் கூடிய சொற்களைக் கூறக்கூடாது.
33. காப்பது விரதம் / Saving lives superior to fasting.
பிற உயிர்களுக்கு ஆபத்து நேரிடாமல் காப்பது நோன்பு ஆகும்.
34. கிழமைப்பட வாழ் / Make wealth beneficial.
தனக்கே அன்றி மற்றவர்களுக்கும் உதவியாக வாழ வேண்டும்.
35. கீழ்மை அகற்று / Distance from the wicked.
கீழ்த்தரமான செய்கைகளை செய்யாமல் நீக்கிவிட வேண்டும்.
36. குணமது கைவிடேல் / Keep all that are useful.
நற்பண்புகளைக் கைவிடாமல் வாழவேண்டும்.
37. கூடிப் பிரியேல் / Don't forsake friends.
நற்பண்புடையவர்களோடு தொடர்பு கொண்டு பிறகு அவர்களை விட்டுப் பிரியக்கூடாது.
38. கெடுப்பது ஒழி / Abandon animosity.
ஒருவருக்கும் தீங்கு செய்யக்கூடாது.
39. கேள்வி முயல் / Learn from the learned.
அறிவாளிகள் சொற்களை ஆவலோடு கேட்டுத் தெரிந்துகொள்.
40. கைவினை கரவேல் / Don't hide knowledge.
கற்ற கைத்தொழில்களை மற்றவருக்கும் கற்றுக்கொடு.
41. கொள்ளை விரும்பேல் / Don't swindle.
ஒருவருடைய பொருளைக் கொள்ளை அடிக்க ஆசைப்படாதே.
42. கோதாட்டு ஒழி / Ban all illegal games.
ஆபத்தை உண்டாக்கக்கூடிய விளையாட்டுக்களில் ஈடுபடாதே
43. கெளவை அகற்று / Don't vilify.
வாழ்வில் செயற்கையாக ஏற்படும் துன்பத்தை நீக்கு.

சகர வருக்கம்

44. சக்கர நெறி நில் / Honor your Lands Constitution.
அரச ஆணைகளை மதித்து நடக்க வேண்டும்.
45. சான்றோர் இனத்து இரு / Associate with the noble.
அறிஞர்களின் குழுவிலே சேர்ந்து இருப்பது மேன்மை அளிக்கும்.
46. சித்திரம் பேசேல் / Stop being paradoxical.
பொய்யை அலங்காரமாக உண்மை போல பேசக்கூடாது.
47. சீர்மை மறவேல் / Remember to be righteous.
சிறப்பான செயல்களை மறந்துவிட வேண்டாம்.
48. சுளிக்கச் சொல்லேல் / Don't hurt others feelings.
மற்றவர் முகம் கோணும்படியான சொற்களைக் கூறக்கூடாது.
49. சூது விரும்பேல் / Don't gamble.
சூதாட்டங்களினால் பொருள் நஷ்டமும் மனக்கஷ்டமும் உண்டாகும்.
50. செய்வன திருந்தச் செய் / Action with perfection.
செய்யும் காரியங்களைச் செவ்வையாகச் செய்யவேண்டும்.
51. சேரிடம் அறிந்து சேர் / Seek out good friends.
சேரத்தக்கவர்களை நன்கு அறிந்து சேரவேண்டும்.
52. சையெனத் திரியேல் / Avoid being insulted.
மற்றவர் இகழும்படி நடந்துகொள்ளக் கூடாது.
53. சொற் சோர்வு படேல் / Don't show fatigue in conversation.
மற்றவருடன் பேசும்பொழுது மனம் தளர்ந்து பேசக்கூடாது.
54. சோம்பித் திரியேல் / Don't be a lazybones.
முயற்சி இன்றி சோம்பேறித்தனமாக ஊர் சுற்றக்கூடாது.
55. தக்கோன் எனத் திரி / Be trustworthy.
கௌரவமானவன் என்று பிறர் கருதும்படி நடக்க வேண்டும்.
56. தானமது விரும்பு / Be kind to the unfortunate.
ஆதரவற்றவர்களுக்கு உதவி செய்ய வேண்டும்.
57. திருமாலுக்கு அடிமை செய் / Serve the protector.
மகாவிஷ்ணுவுக்கு சேவை செய்தால் புண்ணியம் கிடைக்கும்.
58. தீவினை அகற்று / Don't sin.
பிறருக்குத் தீமை உண்டாகும் செயல்களைச் செய்யக்கூடாது.
59. துன்பத்திற்கு இடம் கொடேல் / Don't attract suffering.
மனம் வருந்தும்படி நடந்து கொள்ளக்கூடாது.
60. தூக்கி வினை செய் / Deliberate every action.
எந்தக் காரியத்தையும் நன்கு ஆராய்ந்து தெளிந்து செய்ய வேண்டும்.
61. தெய்வம் இகழேல் / Don't defame the divine.
கடவுளை இகழ்ச்சியாகப் பேசக்கூடாது.
62. தேசத்தோடு ஒத்து வாழ் / Live in unison with your countrymen.
தன் நாட்டு மக்களோடு ஒற்றுமையாக இணைந்து வாழவேண்டும்.
63. தையல் சொல் கேளேல் / Don't listen to the designing.
மனைவியின் இழிந்த சொற்களைக் கேட்டு அதன்படி நடக்கக்கூடாது.
64. தொன்மை மறவேல் / Don't forget your past glory.
பழமையான காரியங்களை மறந்து விடக்கூடாது.
65. தோற்பன தொடரேல் / Don't compete if sure of defeat.
தோல்வி உண்டாகும் எனத்தெரிந்தும் அதில் ஈடுபடக்கூடாது.

நகர வருக்கம்

66. நன்மை கடைப்பிடி / Adhere to the beneficial.
நற்காரியங்களை உறுதியாகச் செய்து வரவேண்டும்.
67. நாடு ஒப்பன செய் / Do nationally agreeables.
நாட்டு மக்கள் ஒப்புக்கொள்ளத்தக்க காரியங்களைச் செய்ய வேண்டும்.
68. நிலையில் பிரியேல் / Don't depart from good standing.
மதிப்போடு இருந்து விட்டுக் கேவலமாக நடந்து கொள்ளக் கூடாது.
69. நீர் விளையாடேல் /  Don't jump into a watery grave.
ஆபத்தான் வெள்ளத்தில் நீந்தி விளையாடக்கூடாது.
70. நுண்மை நுகரேல் / Don't over snack.
நோயைத் தரக்கூடிய ஆகாரங்களை உண்ணக் கூடாது.
71. நூல் பல கல் / Read variety of materials.
அறிவு வளர்ச்சிக்கான நூல்களை அதிகமாகப் படிக்க வேண்டும்.
72. நெற்பயிர் விளைவு செய் / Grow your own staple.
நெல் உற்பத்தியை அதிகரிக்க வேண்டும்.
73. நேர்பட ஒழுகு / Exhibit good manners always.
நேர்மையான வழியில் நடந்து கொள்ள வேண்டும்.
74. நைவினை நணுகேல் / Don't involve in destruction.
இகழ்ச்சியான காரியங்களைச் செய்யக்கூடாது.
75. நொய்ய உரையேல் / Don't dabble in sleaze.
பிறர் மனம் புண்படும் படியான வார்த்தைகளைக் கூறவேண்டாம்.
76. நோய்க்கு இடம் கொடேல் / Avoid unhealthy lifestyle.
நோய் உடலில் அணுகாமல் பார்த்துக் கொள்ள வேண்டும்.

பகர வருக்கம்
 
77. பழிப்பன பகரேல் / Speak no vulgarity.
பிறர் பழிக்கும்படியான இழிவான சொற்களைக் கூற வேண்டாம்.
78. பாம்பொடு பழகேல் / Keep away from the vicious.
பாம்போடு விளையாடுவது உயிருக்கு ஆபத்து.
79. பிழைபடச் சொல்லேல் / Watch out for self incrimination.
தவறான கருத்து ஏற்படும் சொற்களைச் சொல்ல வேண்டாம்.
80. பீடு பெற நில் / Follow path of honor.
பெருமைப்படத்தக்க முறையில் நடந்து கொள்ள வேண்டும்.
81. புகழ்ந்தாரைப் போற்றி வாழ் / Protectyour benefactor.
புகழ்மிக்க பெரியார்களை வணங்கி, அவர்களைப் பின்பற்றி வாழ வேண்டும்.
82. பூமி திருத்தி உண் / Cultivate the land and feed.
நிலத்தைப் பயிர் செய்து, விளைந்த நெல்லைக் கொண்டு உண்ண வேண்டும்.
83. பெரியாரைத் துணைக் கொள் / Seek help from the old and wise.
அறிவு மிகுந்த ஒழுக்க சீலர்களை அணுகி, அவர்களின் அறிவுரைகளை கேட்டு நடக்க வேண்டும்.
84. பேதைமை அகற்று / Eradicate ignorance.
மூடத்தனமாக நடந்து கொள்ளக்கூடாது.
85. பையலோடு இணங்கேல் / Don't comply with idiots.
அறிவற்ற சிறுவனோடு பழகக் கூடாது.
86. பொருள்தனைப் போற்றி வாழ் / Protect and enhance your wealth.
பொருள்களையும், செல்வத்தையும் கவனமாகப் பாதுகாத்து வைத்துக் கொண்டு வாழ வேண்டும்.
87. போர்த் தொழில் புரியேல் / Don't encourage war.
வீணாக சண்டை சச்சரவுகளில் தலையிட வேண்டாம்.

மகர வருக்கம்
 
88. மனம் தடுமாறேல் / Don't vacillate.
மனம் கலங்கி, செய்வது அறியாது தடுமாற வேண்டாம்.
89. மாற்றானுக்கு இடம் கொடேல் / Don't accommodate your enemy.
பகைவன் உன்னை துன்புறுத்தி உன்னை வெல்வதற்க்கு இடம் கொடுக்காதே.
90. மிகைபடச் சொல்லேல் / Don't over dramatize.
அளவுக்கு மீறிய சொற்களைச் சொல்லக் கூடாது.
91. மீதூண் விரும்பேல் / Don't be a glutton.
அளவுக்கு அதிகமான உணவை உண்ண வேண்டாம்.
92. முனைமுகத்து நில்லேல் / Don't join an unjust fight.
போர் முனையில் ஆயுதம் இல்லாமல் நிற்கக்கூடாது.
93. மூர்க்கரோடு இணங்கேல் / Don't agree with the stubborn.
அறிவு இல்லாத மூடர்களோடு சேரக்கூடாது.
94. மெல்லி நல்லாள் தோள்சேர் / Stick with your exemplary wife.
நல்ல மனைவியோடு இணைந்து வாழவேண்டும்.
95. மேன்மக்கள் சொல் கேள் / Listen to men of quality.
உயர் குணமிக்க பெரியோர்களின் அறிவுரையைக் கேட்டு நடந்தால் நன்மை உண்டாகும்.
96. மை விழியார் மனை அகல் / Dissociate from the jealous.
மயக்கும் விலை மாதர் வீட்டுக்குப் போக வேண்டாம்.
97. மொழிவது அற மொழி / Speak with clarity.
சொல்லக் கூடியதை சந்தேகமின்றி தெளிவாகக் கூற வேண்டும்.
98. மோகத்தை முனி / Hate any desire for lust.
ஆசையை வெறுத்து அடக்க வேண்டும்.

வகர வருக்கம்
 
99. வல்லமை பேசேல் / Don't self praise.
உன்னுடைய திறமையை நீயே புகழ்ந்து கொள்ளக் கூடாது.
100. வாது முற்கூறேல் / Don't gossip or spread rumor.
வலியச் சென்று யாரையும் விவாதங்களுக்குக் கூப்பிடக் கூடாது.
101. வித்தை விரும்பு / Long to learn.
கல்வி முதலான கலைகளை ஆசையோடு கற்றுக் கொள்ள வேண்டும்.
102. வீடு பெற நில் / Work for a peaceful life.
முக்திக்கான வழியை அடைய முயற்சி செய்ய வேண்டும்.
103. உத்தமனாய் இரு / Lead exemplary life.
நற்குணம் உள்ளவனாக வாழ வேண்டும்.
104. ஊருடன் கூடி வாழ் / Live amicably.
ஊர் மக்களோடு ஒற்றுமையாக இணைந்து வாழ வேண்டும்.
105. வெட்டெனப் பேசேல் / Don't be harsh with words and deeds.
யாரிடமும் கடுமையான சொற்களைக் கூறக்கூடாது.
106. வேண்டி வினை செயேல்/ Don't premeditate harm.
வேண்டும் என்றே எவருக்கும் தீமை செய்யக் கூடாது.
107. வைகறைத் துயில் எழு / Be an early-riser.
அதிகாலையில் விழித்து எழுவது சிறப்புடையதாகும்.
108. ஒன்னாரைத் தேறேல் / Never join your enemy.
எதிரிகளிடம் நம்பிக்கை கொள்ளக் கூடாது.
109. ஓரம் சொல்லேல் / Be impartial in judgement.
ஒருதலைப் பட்சமாகக் கூறக் கூடாது
                                                    - ஔவையார் / Avvaiyaar.

வாழ்க....நம் பழந்தமிழரின் பண்பாட்டு பெருமை  

Collected from Social Media...