மார்கழியில் ஏன் திருமணம் செய்யக் கூடாது?

மிகவும் விசேஷமாக பார்க்கப்படும் மார்கழி மாதத்தில் ஏன் திருமணங்கள் போன்ற சுப நிகழ்ச்சிகள் தவிர்க்க வேண்டும்?

மாதங்களில் உயர்ந்த மாதம் மார்கழி. இந்த மாதத்தில் எவ்வளவோ சிறப்புகள் உண்டு. 
உண்மையில், இது ஒரு தெய்வீகமான மாதமாகும்.

பொதுவாக இந்த மாதத்தில் விதை விதைக்கக் கூடாது என்பார்கள்.  இந்த காலத்தில் விதை விதைத்தால் அது சரியாக வளர்வதற்கான சூழல் இருக்காது.

ஏனெனில் இது விதை விதைப்பதற்கான காலம் அல்ல. விதை வளர்வதற்கான காலம்.

இந்த மாதத்தில் விதைத்தால், விதை சரியான உயிர் தன்மையற்று வளராமல் போய்விடும்.

இந்த காரணத்தாலே, மார்கழி மாதத்தில் திருமணம் செய்யக் கூடாது என சொல்கின்றனர்.

ஆடி மாதம் போல, மார்கழி மாதம் இறைவனுக்குரிய மாதம். இறைவனை வணங்க வேண்டிய மிக அற்புத மாதம் என்பதால் திருமணம் செய்யப்படுவதில்லை.

பொதுவாக ஆடி, புரட்டாசி,மார்கழி ஆகிய மாதங்களில் சுப நிகழ்ச்சிகள்  இருக்காது. 

அம்மாதங்களில் இறை வழிபாட்டினை மேற்கொள்வர். அதன்படி ஆடி மாதத்தில் அம்மன் வழிபாடும்,புரட்டாசி மாதம் பெருமாள் வழிபாடும் நடைபெறும். ஆனால் மார்கழியில் மட்டும் அனைத்து வழிபாட்டுக்கும் உரியதாக விளங்குகிறது.

மார்கழியில் திருமண சுப காரியம் நடத்தப்படாவிட்டாலும், திருமணத்திற்கான வரன் பார்த்தல், ஜாதகம் பரிமாற்றம், கர்ப்பிணிப் பெண்களுக்கு சீமந்தம் செய்தல் போன்ற சுப காரியங்கள் செய்யலாம்.


மார்கழி மாதத்தில் புதுமனையில் குடிபுகுதல், வாடகை அல்லது ஒத்திக்கு வீடு மாறி செல்லுதல், புதிய அலுவலக கட்டடத்திற்கு மாறுதல் கூடாது.

திருமணம், நிச்சயதார்த்தம், காது குத்துதல், புதிய வீட்டிற்கான பத்திரப் பதிவு, வாகனப் பதிவு செய்தலும், வாங்குதலும் கூடாது.

அதிகாலை எழுந்து திருப்பாவை, திருவெம்பாவை பாடுவது அல்லது கேட்பது, பஜனை பாடுதல் புண்ணியமாகும்.

வாழ்க....நம் பழந்தமிழரின் பண்பாட்டு பெருமை

Collected from Social Media..